Low BP : లోబీపీ: తక్కువగా ఉంటే ప్రమాదమేనా? తీసుకోవాల్సిన జాగ్రత్తలు:రక్తపోటు తక్కువగా ఉండటాన్ని (లోబీపీ లేదా హైపోటెన్షన్) చాలా మంది అలసటగా భావించి నిర్లక్ష్యం చేస్తుంటారు. కానీ, అది అధిక రక్తపోటు (హైబీపీ) వలెనే తీవ్రమైన సమస్య. దీనిని నిర్లక్ష్యం చేస్తే ఆరోగ్య సమస్యలు తలెత్తవచ్చు.సాధారణంగా ఒక వ్యక్తి రక్తపోటు 120/80 mmHg ఉండాలి.
లోబీపీ అంటే ఏమిటి? దాని లక్షణాలు ఎలా ఉంటాయి?
రక్తపోటు తక్కువగా ఉండటాన్ని (లోబీపీ లేదా హైపోటెన్షన్) చాలా మంది అలసటగా భావించి నిర్లక్ష్యం చేస్తుంటారు. కానీ, అది అధిక రక్తపోటు (హైబీపీ) వలెనే తీవ్రమైన సమస్య. దీనిని నిర్లక్ష్యం చేస్తే ఆరోగ్య సమస్యలు తలెత్తవచ్చు.సాధారణంగా ఒక వ్యక్తి రక్తపోటు 120/80 mmHg ఉండాలి. రక్తపోటు 90/60 mmHg కంటే తక్కువగా నమోదైతే దానిని లోబీపీగా పరిగణిస్తారు. లోబీపీ యొక్క సాధారణ లక్షణాలు అకస్మాత్తుగా తల తిరగడం, తీవ్రమైన అలసట, వికారం, కళ్ళు మసకబారడం, ఏకాగ్రత లోపించడం. కొందరిలో చర్మం చల్లగా, పాలిపోయినట్లు కనిపించడం, గుండె వేగంగా లేదా చాలా నెమ్మదిగా కొట్టుకోవడం, ఆందోళన వంటి లక్షణాలు కూడా ఉండవచ్చు. తీవ్రమైన సందర్భాల్లో స్పృహ కోల్పోయే ప్రమాదం కూడా ఉంది.
లోబీపీ ఏర్పడటానికి అనేక అంశాలు దోహదపడతాయి, వాటిలో ప్రధానమైనది డీహైడ్రేషన్. అంటే శరీరానికి తగినంత నీరు అందకపోవడం. ఇతర కారణాలలో ఏదైనా గాయం వల్ల అధిక రక్తస్రావం, గుండె సంబంధిత సమస్యలు, థైరాయిడ్ గ్రంథి పనిచేయకపోవడం, తీవ్రమైన ఇన్ఫెక్షన్లు, అలర్జీలు మరియు పోషకాహార లోపం ఉన్నాయి. గర్భిణులలో కూడా ఈ సమస్య కనిపించవచ్చు. కొన్ని మందుల వాడకం వల్ల కూడా రక్తపోటు పడిపోవచ్చు.
ఆహార నియమాలతో అదుపు సాధ్యమే
లోబీపీ సమస్య ఉన్నవారు వైద్యుల సలహా మేరకు మందులు వాడటంతో పాటు, జీవనశైలిలో, ముఖ్యంగా ఆహారంలో కొన్ని ముఖ్యమైన మార్పులు చేసుకోవడం చాలా అవసరం.
1.నీరు మరియు ద్రవపదార్థాలు: డీహైడ్రేషన్ లోబీపీకి ప్రధాన కారణం కాబట్టి, రోజూ కనీసం 3 లీటర్ల నీటిని తప్పకుండా తాగాలి. నీటితో పాటు కొబ్బరినీళ్లు, దానిమ్మ, నారింజ వంటి పండ్ల రసాలు తీసుకోవడం వల్ల శరీరానికి కోల్పోయిన ఎలక్ట్రోలైట్స్ తిరిగి అందుతాయి.
2.ఉప్పు వాడకం: అధిక ఉప్పు ప్రమాదకరమని భావించి పూర్తిగా మానేయడం సరికాదు. శరీరంలో సోడియం స్థాయిలు తగ్గినా లోబీపీ వస్తుంది. రోజుకు ఒక టీస్పూన్ (సుమారు 5 గ్రాములు) మోతాదులో ఉప్పు అవసరం.
3.పోషకాహారం: విటమిన్ బి9 (ఫోలేట్) మరియు బి12 లోపం కూడా లోబీపీకి కారణమవుతుంది. అందువల్ల పాలు, గుడ్లు, చేపలు, ఆకుకూరలు, బ్రకోలీ, పప్పుధాన్యాలు, నట్స్ మరియు మటన్ లివర్ వంటివి ఆహారంలో చేర్చుకోవాలి. చికెన్ మరియు పనీర్ వంటి ప్రొటీన్లు అధికంగా ఉండే ఆహారం గుండె ఆరోగ్యానికి మేలు చేస్తుంది.
4.ఇతర జాగ్రత్తలు: లోబీపీ ఉన్నవారు అల్పాహారాన్ని ఎట్టిపరిస్థితుల్లోనూ మానకూడదు. పరిమితంగా టీ, కాఫీ తాగడం వల్ల కెఫీన్ రక్తపోటును తాత్కాలికంగా పెంచుతుంది, అయితే రోజుకు రెండు లేదా మూడు కప్పులకు మించకూడదు. అలాగే రాత్రంతా నానబెట్టిన కిస్మిస్లు, బాదం పప్పులు తినడం, రోజూ ఒక కప్పు బీట్రూట్ రసం తాగడం కూడా మంచి ఫలితాలను ఇస్తుంది.
Read also:West Bengal : పశ్చిమ బెంగాల్లో న్యాయ విద్యార్థినిపై సామూహిక అత్యాచారం: దేశవ్యాప్తంగా కలకలం
